Në Dhomat e Specializuara të Kosovës po vazhdon gjykimi ndaj ish-komandantit të UÇK-së, Salih Mustafa.

Në seancën e sotme po vazhdohet me dëshminë e dëshmitarit të dhjetë në çështjen Mustafa,   raporton arbresh.info

Përfaqësuesja e Zyrës së Prokurorit, sapo mori fjalën njoftoi trupin gjykues dhe opinionin e gjerë se shumica e pyetjeve do të bëhet në seancë private, dhe e njëjta kërkoi që menjëherë të kalohet në seancë private.

Aktakuza ndaj Salih Mustafës është konfirmuar më 12 qershor 2020.

Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave. Gjithashtu, në aktakuzë thuhet se në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar.

Në aktakuzën e konfirmuar ndaj Salih Mustafës, thuhet se ai  akuzohet në kuadër të formave të ndryshme të përgjegjësisë penale, për: ndalim arbitrar, trajtim mizor, torturë dhe vrasje të paligjshme si krime lufte të kryera në kontekstin e konfliktit të armatosur jo ndërkombëtar në Kosovë, ose në lidhje me atë konflikt./ArditëShkodra/arbresh.info/